الجمعة، 15 يونيو 2012

صينية الدجاج الكريمي بالودجز



مقادير خلطة الدجاج

صدور دجاج مقطعة طوليا أو مكعبات 
عصير ليمونتين ،، 4 ملاعق كبيرة صويا صوص
كاتشاب 4 ملاعق كبيرة ،، ملعقتين كبار ماستردة

المقادير الأخرى



زبدة 20 غرام  ،، زيت زيتون
بصلتين مقطعين شرائح
فليفلة حلوة مقطعة طوليا  ،، فطر مقطع
مكعبين ماجي ،، ملح ،، ملعقة صغيرة بهارات مشكلة ،، بابريكا  
فلفل أسود ،، رشة كركم
بطاطا ودجز مقلية  ،، ملح ،، توم مبشور ناعم

لطبفة الكريما بنحتاج 


كوبين كريمة طبخ ،، 3 ملاعق كبار جبنة دهن ،، فلفل أسود وملح
وجبنة موزاريلا


الطريقة

بنتبل الدجاج بالليمون والصويا والكاتشاب والماستردة  وبنتركهم بالتلاجة مدة 4 ساعات




بنجهز قدر الطبخ ونضع الزبدة وزيت الزيتون 


بنضيف البصل ونرش الملح والفلفل الأسود


نضيف التوم ونشوح 


 نضيف الفليفلة ونتايع التشويح


نضيف مكعبات الماجي والبهارات والكركم والبابريكا


نشوح حتى يتوزع الماجي والبهارات جيدا


نضيف الدجاج

نشوحه حتى تنشف ماءه قليلا 


نضيف الفطر المقطع آخر شي 


نقوم بتحضير بايركس وندهن قليل من الزبدة ونصف فيه البطاطا الودجز


نضع خليط الدجاج فوقها


نقوم بتحضير خليط الكريمة
نخلط الكريمة والجبنة الدهن وفلفل أسود وملح


نصبها فوق خليط الدجاج


أخيرا نضع الموزاريلا  وندخلها الفرن 









الأربعاء، 13 يونيو 2012

مــاربــل كــيــك ~



كوبين طحين

كوب سكر

كوب زيت

كوب حليب سائل

3 بيض

ملعقتين صغار باكينغ باودر

معلقتين كبار كاكاو بودرة

معلقة فانيليا


بنخفق البيض مع السكر

بنضيف الزيت وبنخفق

بنضيف الطحين (بعد تنخيله مع الباكينغ باودر) بالتدريج بالتناوب مع الحليب


بنصب الخليط بقالب الكيك وبنترك مقدار كوب 

بنضيف لهالمقدار كمية الكاكاو

وبنصبه فوق الخليط يللي بالقالب وبطرف السكين بنعمل تعرجات

وبالفرن على درجة حرارة 180

لمدة 40 دقيقة

وصحة وهنا









الأحد، 10 يونيو 2012

دونـــتــس



طحين كوبين 


حليب بودرة 3 ملاعق كبار

ذرة ملح

سكر ملعقتين طعام

خميرة فورية ملعقة طعام وحدة

كوب ماء فاتر 

ملعقة كبيرة سمن

بنعجن المقادير ( ممكن نحتاج كم رشة طحين زيادة ) و بنتركها حتى تتضاعف

بنفرد العجين وبنقطعها دوائر شكل الدونتس


بنتركهم يرتاحوا كمان نص ساعة حتى يتضاعف حجمهم

بنقليهم بزيت وبنزينهم 

وصحة وهنا :))












الخميس، 7 يونيو 2012

صــياديّـــة الــسـمـكـ



المكونات

سمك فيليه مغسول 

رز مغسول ومنقوع بماء دافئ وملح

مكعبين ماجي

بصل شرائح مقلي ليصير لونه بني\

معجون طماطم 3 ملاعق طعام

توم 3 

زيت للقلي

ماء للأرز

لتتبيل السمك بنحتاج: بهارات منوعة :( فلفل أسود ، بهار سادة ، كركم بهارات مشكلة 
(فلفل أحمر بودرة

حبة لومي مطحونة

نصف ملعقة صغيرة قرفة 

كمون ملعقة صغيرة

ملح


الطريقة

بنبهر السمك بالملح والكركم والبهارات والفلفل الأحمر البودرة وبندخله التلاجة مدة ساعة

بنسخن زيت ،، بنغطس السمك بطحين وبنقليه

بنتركه على جنب

نضع بالخلاط شرائح البصل والطماطم واللومي والقرفة والكمون والملح والتوم والماجي وماء أنا حطيت لكل كاسة رز كاستين مي

بعد ما ينخلط بصبه بقدر وبحطه عالنار لحتى يغلي

بنضيف الأرز وبنتركه يغلي على نار عالية ثم نخفضها

بنغطيه ونتركه حتى الإستواء

بنرص السمك على وجه الأرز وبنغطيه وبنتركه شوي على النار ثم يرفع ويقدم

وصحة وهنا :)










الثلاثاء، 5 يونيو 2012

Oreo milkshake



كاسة وشوي حليب سائل يفضل يكون خالي الدسم

أوريو 12 حبة ،، ممكن نشيل الكريمة يللي جواته

بوظه على فانيليا علبة نص لتر

نخلطهم بالخلاط حتى يختفي الأوريو

وصحة وهنا :))





داوود بــاشـــا





المقادير


نص كيلو لحم مفروم مع بصل وبقدونس وملح وبهارات

زيت زيتون 

بصل عدد 2 مفروم 

توم 2 مفرومين ناعم

مكعبين ماجي

بندورة حبتين مفرومين 

معجون بندورة معلقتين وشوي كبار

بابريكا معلقتين وشوي صغار

ملعقة كبيرة دبس رمان 

علبة بندورة حب

ملح

فلفل حار عدد 2مفروم دائري // إختياري

الطريقة

بنكور اللحمة وبنتركها بالتلاجة شي نص ساعة حتى تتماسك 

بنجهز صينية أو طنجرة بنحط زيت زيتون وبنحمر اللحمة فيه

بنشيلها وبنتركها على جنب




بصينية تانية بنحط شوية زيت زيتون وبنضيف البصل وبنشوحه ، بنضيف التومة والفلفل الحار ونشوحهم ليدبلوا شوي

بنضيف الماجي وبنخليه يدوب ويتوزع منيح

بنضيف البندورة المفرومة وبنحرك لتتشوح

 بنضيف معجون البندورة والطماطم المعلبة وبنتابع تحريكهم

آخر شي بنضيف البابريكا ودبس الرمان وملح



بنحركهم منيح وبنتركهم شوي ليتسبكوا منيح 


بنحمي الفرن على درجة حرارة 180 

بنضيف كرات اللحمة وبنخلطها مع الصلصة منيح ،، إذا كانت جامدة كتير ممكن نضيف معلقتين ماء بس ما نكتر





بنغطيها بورق قصدير وبندخلها الفرن شي نص ساعة


وبنقدمها مع الرز الابيض 

وصحة وهنا :))








الجمعة، 1 يونيو 2012

Burger Calzone


مقادير العجينة 

دقيق 3 أكواب وربع 
حليب جاف 3 ملاعق كبار
خميرة فورية ملعقة كبيرة
باكينغ باودر ماعقة صغيرة
ملح ماعقة صغيرة
زيت تُلت كوب زيت نباتي
ماء دافئ كوب وتُلت


مقادير الحشوة

ملعقة كبيرة زيت
برغر لحم 10 حبات مقليين أو مشويين
بصلتين مفرومين شرائح رفيعة
فليفلة حلوة خضرا حبتين كبار مفرومين شرائح رفيعة
فليفلة حلوة حمرا وصفرا حبة من كل لون مفرومين شرائح رفيعة 
مشروم مفروم شرائح رفيعة
جبنة موزاريلا وشيدر كوب من كل نوع ،، مبشورين


الطريقة

نعجن العجين لمدة 10 دقائق ثم نتركها ترتاح بجاط مدهون زيت لمدة 30 دقيقة حتى تنفش


قبل إخراج العجين وتشكيله بنحضر الحشوة
بنحمر البصل بالزيت مع إضافة ملح وفلفل أسود وشوية بهار
نضيف الفلفل الألوان ونتركهم يتشوحوا
نضيف الفطر ونحرك
نضيف البرغر المقطع طوليا ونحرك قليلا حتى يتوزع


قبل أن نطفئ النار بنضيف الجبنة بنوزعها وبنشيل القدر عن النار

نُخرج العجين ونشكلها لـ 8 كرات ونتركهم يرتاحوا دقيقتين

نفرد كل كرة بالشوبك ونضع الحشوة ونغلقها 


ندخلها الفرن حتى تتحمر



وصحة وهنا :)