الجمعة، 1 يونيو 2012

دجاج هندي ~~ Chicken 65



صدور دجاج مقطعة قطع وسط

نحتاج لخلطة الدجاج : علبتين صغار لبن رايب ،، أربع ملاعق صغار نشا ،،ملعقتان كبار صويا صوص
توم مهروس ،، ورق غار ،،ملعقة صغيرة زنجبيل ،، ملح ،، لون زعفران أو بضع نقاط من ملون الطعام الأحمر
بهرات مشكلة متل : كركم ،، هيل ناعم ،، فلفل أسود ،، بهارات سادة ،، قرفة رشة صغيرة ،، بهارات برياني رشة صغيرة

فلفل أخضر حار 3 حبات مقطع دوائر
حبة فليفلة حلوة مقطعة مربعات كبيرة
بصلتين مقطعات شرائح
مكعبين ماجي
زيت للقلي
معجون طماطم ملعقتان كبار
كمان علبتين لبن رايب
بهارات صحيحة : قرفة عيدان ، كبش قرنفل حب 

الطريقة

نضع الدجاج ومقادير الخلطة كلها في جاط ونتركها حوالي 3 ساعات بالتلاجة

بعد مرور ال 3 ساعات بنسخن زيت غزير بقدر  وبنحمر الدجاج فيه

بنشيل الدجاج ونتركه على جنب

في صينية أخرى نحمس البصل ثم نضيف الفلفل الحار والحلو ونحمسهم
نضيف معجون الطماطم والماجي والبهارات الصحيحة ونتركها على نار هادئة 
نضيف الملح والفلفل الأسود والزبادي ونحمسها على نار خفيفة

آخر شي نضيف الدجاج ونتركه حتى يتسبك ثم نطفئ النار

يقدم مع الأرز الأبيض






الخميس، 31 مايو 2012

آيـــس كــريم الـــكوكـــيــز


المقادير

كوكيز 18 حبة

بسكوت أوريو 10 حبات ,, بنفتحهم وبنشيل الحشوة يللي جواتهم

نص باكيت بسكوت شاي

علبتين قشطة

جبنة كيري 6 حبات

نص علبة حليب مكثف محلى

معلقة صغيرة نسكافيه

حبتين جالكسي بالفواكه


الطريقة

بنكسر البسكوت والكوكيز والأوريو وبنتركهم على جنب

بالخلاط بنخلط القشطة (بنترك منها مقدار معلقتين على جنب ) والحليب المكثف والنسكافيه والحبنة لحتى يصيروا متل الكريما

بنضيف البسكوت وبنخلط بالمعلقة

بندوب الجالكسي مع معلقتين القشطة عالنار وبنخليها

بنحضر بايركس أو أي وعاء ,, بس ما يكون مفرود أفضل يكون غميق

 بنحط نص الكمية وبنضيف فوقها نص كمية الجالكسي

بنضيف باقي خليط الكوكيز وبنزين الوجه بالجالكسي يللي زادت

بنتركها تجمد فترة منيحة بالتلاجة 

وقت التقديم بنشكلها بملعقة البوظة وبنزينها بشوكولاتة هيرشي السائلة

ملاحظة : ممكن الإستغناء عن الجالكسي والإكتفاء بتزيينها بعد وضعها بأطباق التقديم
هيك بتخف الحلاوة شوي :)





الجمعة، 25 مايو 2012

كيكة كاسات الدراق والكريمة




المقادير

كيك جاهز على شوكولاته

علبة دراق كبيرة مع الإحتفاظ بالمي تبعتها

3 مغلفات دريم ويب

باكيت جلو دراق وإذا ما توفر بنستعمل جلو برتقال


الطريقة

بنعمل الجلو قبل بوقت وبنحطه ببايركس كبير حتى تكون الطبقة رفيعة وبنتركه يجمد منيح

بس يكون الجلو جمد منيح ,, بنعمل الكريما بمالمي تبعت الدراق ,, طبعا نفس المعيار المكتوب عباكيت الكريمة بس بدل الحليب مي الدراق

بنتركها يالتلاجة شوي

بنقطع الجلو قطع صغيرةوبنضيفه للكريما وبنحركه بالمعلقة


بنقطع الكيك قطع صغيرة وبنقطع الدراق قطع صغيرة

بنحضر الكاسات ,, بنحط طبقة كيك وطبقة كريما وقطع دراق وبنعيد كمان مرة

كيك وكريما والدراق عالوجه

بنتركهم بالتلاجة يبردوا لوقت التقديم

وصحة وهنا

** كمية الكيك والجيلو بتعتمد على عدد الكاسات والكمية يللي بدنا نعملها

أنا إستخدمت جيلو برتقال وقالب ونص كيك أميريكانا وما حطيت كل الجيلو عالكريما 

وصحة وهنا :))







صينية البطاطا المهروسة واللحمة المفرومة






بطاطا مقشرة مقطعة لأرباع

لحمة مفرومة 

بصل مفروم 

قرشلة (بقسماط) للوجه

فنجان صغير حليب سائل


بنسلق البطاطا بعد تقطيعها

بنحضر الحشوة ,, بنقلي البصل بطنجرة مع الزيت والملح والفلفل

بنضيف اللحمة وبنحطلها بهارات ,, هيل ناعم ,, فلفل أسود ورشة زنجبيل ناعم وبهارات مشكلة

بنتركها تستوي 

عند إستواء البطاطا بنصفيها وبنحطها بجاط كبير بنرشلها ملح وفلفل وبنهرسها 

بنقسم الكمية لنصفين

بنحضر بايركس وبندهنه زبدة

بنفرد النص الأول من البطاطا ,, بنزبط سطحها بالمعلقة حتى تكون متساوية وبنستخدم الحليب حتى تفرد منيح

بنحط حشوة اللحمة والبصل

وبنفرد الطبقة التانية من البطاطا وبنسوي السطح بالحليب والمعلفة ( بنضيف رشة من الحليب وبنسوي بالمعلقة هيك لحتى تصير متساوية ) بنرش البقسماط عالوجه وبنشويها بالفرن حتى تتحمر من فوق وتحت

وصحة وهنا




الأحد، 18 مارس 2012

د حـــد ح


د حـــد ح


كيلو سميد 
كوب سكر
4 ملاعق صغيرة كركم
ملعقة صغيرة خميرة
ملعقة صغيرة باكينغ باودر

كاسة زيت نباتي
تُلت كوب سمنة
ماء دافي للعجن


مقادير الحشوة
 كوب ونص سميد
نص كوب سكر
10 ملاعق قطر
4 ملاعق قرفة أو أقل حسب الرغبة
رشة جوزة الطيب
جوز مفروم خشن مقدار نص كوب


الطريقة

نخلط مقادير العجينة كاملة ما عدا المي الدافية
نفركها منيح وبعدين بنضيف مي شوي شوي 
أنا حطيت قدر 500 مل  بس مو على دفعة وحدة

نتركها ترتاح وبهالوقت نحضر الحشوة
بنخلط مقاديرها سوا  وبنتركهم على جنب

بنقسم العجين نصين
بندهن بايركس بالزبدة وبنبلش نفرد العجين
بس نفردها منيح وننتبه ما تكون كتييير سميكة 
بنستخدم المي الدافية حتى نفردها منيح بأصابعنا

بنحط الحشوة وبنفردها

بنحط عالوجه النص الباقي من العجين
وبنزبطها وبنشويها بالفرن لحد ما تحمر 

وصحة وهنا




الخميس، 23 فبراير 2012

كــيكــة الــبــرتــقــال






بنخفق 4 بيضات مع 4 معالق صغار Vanilla بودرة وكاسة سكر وتلات أرباع الكاسة زيت

بنضيفلهم تلات أرباع الكاسة عصير برتقال فريش وبنخلط 

بننخل كوبين ونص طحين مع ملعقتين ونص صغار باكينغ باودر

بنضيفهم للخليط وبنخفق

بنضيف آخر شي معلقة كبيرة برش برتقال ( أنا خلطت برش برتقال وليمون )


بنعمللها صوص ملعقتين عصير برتقال مع سكر مطحون وبنحطهم عوجه الكيكة بس تستوي

وصحة وهنا


ِِ













الخميس، 2 فبراير 2012

كيكة الكريم كراميل



المقادير

بدنا 4 باكيتات كريم كراميل
بسكوت ماري حجم صغير 2
بسكوت أولكر باكيت واحد
قالبين كيك أمريكانا نوع ماربل كيك
حليب ناشف
نسكافيه معلقة كبيرة
قشطة علبة
كاكاو معلقتين كبار
ماء


الطبقة الأولى كالتالي


بالقالب المتحرك بنفتت قالبين إلا شوي 
بنحضر معلقة كبيرة نسكافيه مخلوطة بماء ساخن وبنصب منها عالكيك بعد ما نرصه
حتى ما يتفتت بس نقطعها

بتركه فترة صغيره بالتلاجة يجمد

~~

الطبقة التانية

بنكسر بسكوت الماري (ممكن نبدله بباكيت أولكر) وبنحطه فوق الكيك




الطبقة التالتة


بنكون محضرين الخلاط وعلبة قشطة و معلقة نسكافيه
بنفتت باكيت بسكوت الأولكر وبنخليه جنب الخلاط




بطنجرة بنحط المكونات التالية
باكيتين كريم كراميل 
4 معالق كبار حليب ناشف
كاستين مي 
بنخلطهم وبنحطهم عالنار 



أول ما يغلي الخليط بنحطه بالخلاط مع البسكوت الأولكر والقشطة ومعلقة النسكافيه
بنخلط بسرعة لأنه رح يجمد عالسريع
وع طول بنديره فوق بسكوت الماري يللي بالقالب



بنحط القالب بالتلاجة يجمد


الطبقة الأخيرة عبارة عن


باكيتين كريم كراميل
4 معالق كبار حليب ناشف
نص فنجان سكر
معلقتين كبار كاكاو مدوبين بنص كاسة مي
وكاستين مي

بطنجرة بنخلطهم كلهم وعالنار عبين ما يغلوا
بنشيل الخليط عن النار بنتركه خمس دقايق يبرد شوي
وبنديره بالقالب وبنتركه يبرد عالآخر

وبنحطه بالتلاجة يجمد لوقت التقديم

بس نقدمه بنشيله من القالب
وبنزينه بالكراميل 

وصحة وهنا