كُـــــشـــري

عدس مسلوق

معكرونة مسلوقة

حمص حب مسلوق

بصل مقلي 

شطة سائلة

بنحطهم كُلهم فوق بعض وهيك بصير عنا كُشري 

في ناس بتعمل العدس مع رز متل المجدرة 

وفي ناس بفضلوا يعملوا الشطة أو الصوص الحار بالبيت

وصحتين 

ســينامـــون رولـــز

طحين كوبين 

حليب بودرة 3 ملاعق كبار

ذرة ملح

سكر ملعقتين طعام

خميرة فورية ملعقة طعام وحدة

كوب ماء فاتر 

ملعقة كبيرة سمن

بنعجن المقادير ( ممكن نحتاج كم رشة طحين زيادة ) و بنتركها حتى تتضاعف

بنفرد العجين وبندهنها زبدة وبنرش قرفة وسكر بني وبنلفها

بنقطعها وبنحطهم بالصينية وبنتركهم يرتاحوا وينفشوا

كمية العجين هاي عملت بحدود 9 رولات ،، يعني إذا بدنا أكتر بنضاعف الكمية 

بنشويهم حتى يتحمروا من تحت وفوق ،، ما بياخدوا وقت كتير

chocolate syrup بس نطلعهم بنزينهم بالصوص الأبيض والـ 

الصوص الأبيض:

علبة قشطة 

نص كوب حليب بودرة

4 معالق سكر بودرة

نتوفة مي

بنخلطهم سوا

ممكن نستبدلهم بنص علبة حليب مكثف محلي و4 حبات كيري

وصحة وهنا

ســـلطة البنجر والفاصوليا الحمرا بالفرينش دريسينغ

بنحتاج 

علبة بنجر\\ علبة ذرة\\ علبة فاصوليا حمرا

فرينش دريسينغ

بنقطع البنجر وبنحط نص الكمية وفوقها فاصوليا وبعدين ذرة

بنضيف كمية من الدريسينغ

بنرجع نعمل كمان طبيقة منهم كلهم وممكن نرش شوي من الدريسينغ

وصحة هنا

مـــســــخـــن رولــــز

صُدور دجاج مسلوقة 

بصل

ملح وفلفل

سُماق

خُبز شراك

زيت

بعد سلق الدجاج ،، بنسحبه بشكل طولي

بوعاء الطبخ بنحط زيت

بنضيف البصل وبنرشله ملح وفلفل

بنشوحه وبس يقرب يدبل بنضيفله الدجاج

بنحركهم سوا حتى ينخلطوا

آخر شي بنضيف السُماق - طبعا الكمية يللي بنحبها حسب الذوق

ما بياخد وقت كتير لأنه الدجاج مستوي

بنحضر خبز الشراك

بنقطع الدائرة 9 قطع أو أقل حسب كيف بيزبط معكم

بنحشي كل قطعة وبنلفها

بنرتبهم بالصينية وبندهنهم زيت

بنشويهم حتى يتحمروا من فوق ومن تحت

وصحة وهنا :)

أرُز باللحمة والخُضار

بنجيب لحمة راس عصفور بس بنقطعها مكعبات مو صغيرة ولا كبيرة وسط

وبنحضر بصلة كبيرة وفليفلة حلوة ملونة أخضر وأحمر وأورانج وبازيلا وجزر

ملح وفلفل أسود وبهارات برياني

رز أبو البنت  كاستين

زبدة وزيت

بالطنجرة ,, بنحط شوية زيت وشوية زبدة ,, بنضيف عليهم البصلة المفرومة وبنخليها تتشوح

بس ياخد شوية لون بنضيفله اللحمة وطبعا بنبهر بالملح والفلفل

بنخليها تتقلى منيح وتنزل ميتها

بس تكون قاربت عالإستواء بنضيف البازيلا والجزر وبنحرك وبنغطي

آخر شي بنضيف الفليفلة الحلوة ,, وبنخليها عالنار شي خمس دقايق

هلأ بنضيف الرز بعد ما نكون غسلناه ونقعناه

بنحطله بهارات برياني شي معلقتين صغار أو حسب ما بنحب طعمتها قوية أو لأ

ما بنضيفله مي ع طول بنقلبه شوي مع الخضار واللحمة بعدين بنضيفله مي
وننتبه ما نضيف مي كتير مرة وحدة ,, بنضل نزيد على فترات

وهيك لحد ما يستوي

وصحة وهنا

شـــــيش طـــاووق

صدور دجاج مقطعة قطع صغيرة للطاووق

بندورة كرزية

بصل مقطع

فليفلة مقطعة

خلطة الطاووق من ماجي - بتيجي متل باكيتات الشوربة

ملح وفلفل شوي

لبن رايب

أكياس شوي

أعواد خشب

خبز صاج أو شراك 

:الطريقة

بعد غسل الدجاج وتقطيعه بنبهره بشوية ملح وفلفل

بنخطه بوعار وبنضيفله بهارات الطاووق وبنوزعهم منيح

بنضيف اللبن وبنخلطهم كويس وبنتركهم منقوعين فترة 

بنحضر الأعواد والخضار 

بنبلش غرز الدجاج والخُضار عالأعواد

بنحطهم بأكياس الشوي

وبنحط معهم قطعتين زبدة ورشة زيت

بنربط الأكياس وبنحطهم بصينية الشوي

بس يغلوا وتنفخ الأكياس بنضيف مي على الصينية وبنرجعها عالفرن

بس يستووا بنفتح الأكياس وبنحمر الدجاج والخضار من فوق

بنقدمهم على خبز الصاج وصحة وهنا

ممكن إضافة أي خضار بتحبوها مع الدجاج

تـــشيـــز كـــيــكـ الفيـــمـــتو

:الطبقة الأولى

بسكوت دايجستف مطحون مع أصبع زبدة غير مملحة

:الطبقة التانية

خليط تشيز كيك جاهز بنضيفله حليب ولبن

إذا ما توفر بنعمل الطريقة التالية

3 مغلفات دريم ويب

مغلف جيلو ع كرز

مغلف كريم كراميل

علبتين قشطة

9 حبات كيري

 حليب سائل115 مل وكمان نتوفة يعني بيطلعوا سوا شي كاسة

الطريقة 

بنخلط المكونات سوا طبعا شوي شوي مو دفعة وحدة

وبنحطهم فوق البسكوت

وبنخليهم بالتلاجة فترة مو أقل من 6 ساعات

:الطبقة الأخيرة 

فنجان شاي فيمتو حوالي 150 مل 

ظرف كريم كراميل

نص كاسة مي سخنة 

بنحطهم بطنجرة عالنار حتى يغلوا

بنشيلهم وبنخليهم يدفوا شوي

بنديرهم فوق الطبقة التانية شوي شوي

بنحطها بالتلاجة لتاني يوم

قبل وقت التقديم بندهن الوجه بشوية فيمتو بإستخدام فرشاي وبنزين بالفراولة

وصحة وهنا

كُــــرات الشـــوكلاتة بالنوتيلا

باكيت كيك بيتي كروكر على شوكولاتة 

بنعمله متل التعليمات وبنخليه يبرد منيح

باكيت بسكوت شاي أو أكتر شوي

نص كاسة جوز هند خشن 

كاكاو بودرة 3 معالق كبار

علبة حليب مكثف

نص علبة قشطة

بنفتت القالب وبنضيفله البسكوت المفتت

وجوز الهند والكاكاو

بنحركهم منيح

بنضيف الحليب المكثف وبنحرك بالمعلقة حتى ينخلطوا ،، المزيج رح يكون لزج

بنضيف القشطة وبنعجنهم مع بعض

بنتركها شوي بالتلاجة

بنشكلها على شكل كُرات وبنغطيهم وبنحطهم بالتلاجة

وقت التقديم بنحط عليهم نوتيلا سايحة 

وصحة وهنا

كـــيـــكة الســينــابــون

المقادير

 3 بيض

كوبان طحين

ملعقة قرفه

نص كوب زيت

نص  كوب حليب سائل

علبة لبن الحجم الصغير=170 غم

كوب سكر

فانيلا.. معلقتين صغار بيكنغ باودر

مقادير الحشوه

معلقتين كبار قرفه...معلقتين كبار سكر بني....معلقتين كبار جوز مطحون خشن

الطريقه

نضع في خلاط الكيك البيض +الفانيليا+السكر+الحليب+اللبن+الزيت

ونخلطهم جيدا مع بعض ثم نضيف عليهم بعد ذلك الطحين المخلوط بالبيكنغ باودر  والقرفه ونخلطهم مع بعض

الان في قالب مدهون نسكب نصف خليط الكيكه نضيف عليها خليط الحشوه ونرع نسكب باقي خليط الكيكه ونضعها في فرن حامي مسبقا بدرجة حراره 180 واول ما دخلي الكيكه نزلي الحراره ل 140 لمدة  35 الى 40 دقيقه

الوصفة مأخوذة من صفحة أطباقنا البيتية

الـــكــيـكة الــمــالــحة

المقادير:

4 بيضات

ملعقة صغيره خل

2 ملعقة كبيرة بيكنج باودر

2 كوب طحين

نصف كوب زيت نباتي

كوب زعتر اخضر مغسول او كوب ناشف منقوع ومعصر

ملعقة كبيرة نعناع اخضر مفروم

كوب جبنة بيضة مغلية مرة واحدة مقطعة مكعبات

نصف كوب زيتون النوعين اسود وأخضر مفرومين 

كوب لبن زبادي

نخفق البيض جيدا مع ملعقة خل

ثم يضاف الزيت ويخلط جيداً

نضيف الزيتون والجبن والزعتر والنعنع

ونخلط بالملعقة

ينخل الدقيق مع البيكنج باودر ويضاف للخليط

ويخلط جيداً

ثم نضيف اللبن

و نحرك المزيج بالملعقه حتى يتجانس

نجهز القلب وندهنه بالزيت ثم يرش بالطحين

يضاف الخليط في القالب و يترك لمدة ربع ساعة ليرتاح 

في هذه الأثناء نشعل الفرن ليسخن

يوضع القالب في الفرن وهنا نقوم بخفض درجة الحرارة ليصبح متوسط الحرارة 

يترك القالب في الفرن لمدة 45 دقيقة أو الى أن نضع سكين في الوسط وتخرج نظيفة

يقلب في صينية ويقدم

الوصفة مأخوذة من صفحة أطباقنا البيتية

صُـــرر الأوزي

المقادير

عجينة الهنا يللي هي عجينة الكولاج

لحمة مفرومة

بازيلاء وجزر 

رز مغسول ومنقوع

بهارات : ملح ، فلفل ، بهارات سادة ، بهارات مشكلة زنجبيل ناعم رشة 

رشة قرفة وهيل ناعم 

الطريقة

بنحط زيت بالطنجرة وبنحطه عالنار وبنضيف اللحمة 

بنضيفلها البهارات المذكورة فوق

بنشوحها منيح حتى تنزل ميتها وتقرب تستوي

بنضيف البازيلا والجزر وبنقلبهم منيح

بنضيف كمية من الماء وبنخليها تغلي
بنحاول ما نكتر مي ،، بس نضيف الرز إذا إحتجنا مي زيادة بنزيد

بعد الغليان بنصفي الرز المنقوع وبنضيفه للطنجرة
بنحركه وبنشوف إذا لسا ما إستوى وبحاجة مي ويادة بنزيد

:عمل الصُرر

بنحضر عجينة الهنا 
بنحطها بالزبدية وبنحط مقدار من الحشوة
بنسكر بالأطراف الزايدة للحشوة وبنقلبها بالصينية
بندهنها زيت وبنشويها حتى تتحمر من فوق ومن تحت
وبنقدمهم
وصحة والف عافية 

:)