الاثنين، 1 ديسمبر 2014

حُمُص الأفوكادو - Avocado Hummus


المقادير

علبة حمص حب 
حبتين أفوكادو مقشرين و مقطعين
فص ثوم مهروس
حفنة من الكزبرة مفرومة خشن
عصير ليمون 4 ملاعق كبار
زيت زيتون ملعقتين كبار
نصف ملعقة صغيرة كمون
رُبع كوب ماء - استخدمت ماء الحمص المعلب
ملح و فلفل أسود حسب الذوق

الطريقة

نضع جميع المكونات بمحضرة الطعام 
نضيف القليل من الماء إذا كان القوام ثقيل

وصحتين و عافية 


الوصفة من الموقع
Chocolate & Chilies

:)

الجمعة، 15 فبراير 2013

Strawberry Marble Cake


كوبين طحين
كوب سكر
كوب زيت
كوب حليب سائل
3 بيض
ملعقتين صغار باكينغ باودر
معلقة فانيليا
مُلون طعام أحمر
روح الفراولة ( strawberry essence ) بكون قنينة صغيرة متل الفانيليا السائلة بس طعم الفراولة

بنخفق البيض مع السكر
بنضيف الزيت وبنخفق ،، بنضيف معلقة صغيرة من روح الفراولة
بنضيف الطحين (بعد تنخيله مع الباكينغ باودر) بالتدريج بالتناوب مع الحليب

بنصب الخليط بقالب الكيك وبنترك مقدار تلات أرباع الكوب على جنب
بنضيف لهالمقدار معلقة صغيرة مُلون طعام و معلقة روح الفراولة

وبنصبه فوق الخليط يللي بالقالب وبطرف السكين بنعمل تعرجات
وبالفرن على درجة حرارة 180
لمدة 40 دقيقة

وصحة وهنا




الخميس، 14 فبراير 2013

ســـباغيتي بــكُـرات اللحمة



الطريقة:
لحمة مفرومة مع بصل وبهارات مشكلة وملح وفلفل أسود
بنضيفلها شوية بقسماط وبنعجنها وبنكورها وبنتركها بالتلاجة نص ساعة

صوص بندورة خاص للباستا ( بنجيبه من السوبرماركت ) حجم كبير
حبتين بندورة كبار مقشرين ومفرومين مربعات صغيرة
بصلتين حجو وسط مفرومين صغير
شوية مي
زيت قلي

معكرونة سباغيتي ،، بنسلقها بمي مغليه مضاف إلها ملح وزيت حتى ما تلزق


بنجهز صينية أو طنجرة بنحط زيت زيتون وبنحمر اللحمة فيه
بنشيلها وبنتركها على جنب
بنفس الصينية بنحط شوية زيت زيتون وبنضيف البصل بنحطله ملح وفلفل أسود وبنشوحه
بنرجع بنحط اللحمة على البصل وبنتابع تشويح
بنضيف البندورة وبنحركهم حتى تدبل البندورة شوي
بنضيف صوص البندورة ( أنا حطيت العلبة كلها ) ومقدار نص كوب مي سخنة
ممكن نزيد الملح حسب الطعمة ،، ( هب الصوص بتكون مبهرة وجاهزة )

بنخليها تغلي عالنار نص ساعة وبنقدمها

بنرش على وجه الصحن جبنة برميزان وصحة وهنا :)


الأحد، 3 فبراير 2013

محشي ورق لــســـان


الطريقة:

بنغسل الورق منيح وبنسلقه عالسريع حتى يطرى شوي

بس ما نطول يادوب خمس دقايق
بس نطلعه بنحطه بمي باردة ،، 

بعدين بنرجع نغسله منيح
بنحضر الحشوة يللي هي عبارة عن 

رز ولحمة وبهارات متل الورق دوالي
بنحشيه وبنرتبه بالطنجرة
بنحط مي وبنخليه ليستوي وتروح المي


وصحة وهنا



كــيكـــة اللـــيمـــون


كوب لبن
تلت كوب زيت زيتون
بشر ليمونة
ربع كوب عصير ليمون
بيضتان
فانيليا 
كوب سكر ناعم
كوب وتلات أرباع الكوب طحين
ملعقة ونص صغار باكينغ باودر
رشة ملح

نخفق البيض مع الفانيليا ونضيفله برش الليمون
نضيف السكر ونضيف المواد السائلة ونخلطهم

نضيف للخليط الطحين بعد تنخيله مع الباكينغ باودر والملح

نضعها بالفرن حتى الإستواء وبعد ما تبرد نرشها بالسكر الناعم وبرش الليمون

وصحة وهنا


الأربعاء، 23 يناير 2013

سلطة الشومر والجزر


جزر مبشور

شومر مغسول ومفروم شرحات رفيعة

بصلة حمرا كبيرة مفرومة شرحات رفيعة

عصير ليمون ،، ملح وزيت زيتون

بنخلط المكونات وبنضيفلهم الملح والزيت والليمون

عند التقديم بنرشلها شوية سماق عالوجه وصحة وهنا 

:)


الخميس، 10 يناير 2013

فـــريكة ،، منسف الفريكة


: المقادير
فريكة 3 كاسات (مغسولة منيح و منقوعة نص ساعة)

بصل مقطع صغير 
زبدة نباتية وشوية زيت نباتي
ملح وفلفل أسود

دجاج (حسب العدد المراد الطبخ له)

الطريقة:
نغسل الدجاج و نبهره وننقعه بخلطة وهي عبارة عن
زنجبيل فريش مبشور كمية قليلة / جوزة الطيب / هيل مطحون / ملح / فلفل / بهارات مشكلة / عصير نص برتقالة فريش / لن رايب ملعقتين كبار وزيت نباتي / ورق غار حسب الرغبة و كبش قرنفل
نخلطهم كلهم وندهن الدجاج بهم ونتركهم منقوعين ثم ندخلهم الفرن للشوي

الفريكة:
بعد غسيلها جبداً نضع البصل المقطع بالطنجرة مع قليل من الزيت النباتي ونقلبهم مع إضافة ملح 
بعد ذلك نضيف الفريكة ونقلبها جيدا

نتابع التقليب لفترة 15 دقيقة ونضع القليل من الزبدة النباتية عليها (حسب الرغبة)

بعد ذلك نضيف الماء المغلي ولكن يجب مراعاة أن لا يعلو عن الفريكة 
يعني بنضيف شوي وبعدين حسب الحاجة بنصير نزيد شوي شوي عشان ما تخبص معنا


نضيف مكعب مرقة الدجاج أو 2 حسب المذاق


أهم شي تقليبها وتشويحا بالزيت والبصل 



عندما تجهز نقدمها بصحن التقديم ونضع الجاج فوقها ونزينها باللوز المقلي ونقدم معها السلطة واللبن 
وصحة وهنا


الأربعاء، 9 يناير 2013

الدجاج المحشي بالأرز


دجاجة كاملة 
بنغشل الدجاجة منيح وبنخليها تتصفى من المي
بنبهرها بالبهارات يللي بنحبها 
فلفل ملح بهارات مشكلة كركم وهيل مطحون 
يعني كل شت بيت وذوقها بالبهارات 

طبعا بنبهرها من جوا ومن برا

طريقة الأرز

المقادير

لحمة مفرومة
بازيلاء وجزر 
رز مغسول (كاستين رز مصري وكاسة رز أمريكي ) ومنقوع
بهارات : ملح ، فلفل ، بهارات سادة ، بهارات مشكلة زنجبيل ناعم رشة 
رشة قرفة وهيل ناعم 


الطريقة

بنحط زيت بالطنجرة وبنحطه عالنار وبنضيف اللحمة 
بنضيفلها البهارات المذكورة فوق
بنشوحها منيح حتى تنزل ميتها وتقرب تستوي
بنضيف البازيلا والجزر وبنقلبهم منيح


بنضيف كمية من الماء وبنخليها تغلي

بنحاول ما نكتر مي ،، بس نضيف الرز إذا إحتجنا مي زيادة بنزيد


بعد الغليان بنصفي الرز المنقوع وبنضيفه للطنجرة
بنحركه وبنشوف إذا لسا ما إستوى وبحاجة مي ويادة بنزيد

 بنخليه يبرد  شوي

بنقلي لوز أو أي مكسرات بنحبها 

بناخد كمية من الأرز لحشي الدجاجة ،، بنضيفلها شوية مكسرات وبنحشيها بالجاجة
بنسكرها وبنخيطها حتى ما تفتح خلال الشوي

بنلفها بورق القصدير وبنعمل فتحات بطرف السكين وبنحطها بصينية الشوي وبنحط شوية مي بالصينية

بنشويها حتى الإستواء وبنفتح القصدير وبنحمرها

عند التقديم ،، بنحط الدجاجة بالصحن وبنفرد حواليها الأرز يللي عملناه وبنزينها بالمكسرات المقلية 

وصحة وهنا


الأحد، 23 ديسمبر 2012

فطائر جبنة



مقادير العجينة 

دقيق 3 أكواب وربع 
حليب جاف 3 ملاعق كبار
خميرة فورية ملعقة كبيرة
باكينغ باودر ماعقة صغيرة
ملح ماعقة صغيرة
زيت تُلت كوب زيت نباتي
ماء دافئ كوب وتُلت

الطريقة

نعجن العجين لمدة 10 دقائق ثم نتركها ترتاح بجاط مدهون زيت لمدة 30 دقيقة حتى تنفش

بنحضر الحشوة ،، جبنة حلوم مبشورة وممكن أي زيادات بنحبها

بنحشي العجين وبنشكلها متل ما بنحب وبنشويها

وصحة وهنا :)


الثلاثاء، 18 ديسمبر 2012

كوكيز الشوكولاتة ~~ Chocolate Cookies

 

كوبين و تلات أرباع الكوب طحين
كاكاو بودرة تلات ارباع الكوب
نصف ملعقة صغيرة ملح
ملعقة صغيرة باكينغ باودر
كوب زبدة ،، 227 غرام بحرارة الغرفة
كوب وتلات أرباع الكوب سكر
بيض عدد 2
ملعقتين صغار فانيليا

~~

الطريقة

بجاط كبير بنقوم بتنخيل الطحين والكاكاو والباكينغ باودر والملح وبنخليهم على جنب
بجاط آخر بنخفق الزبدة والسكر حتى ينخلطوا منيح ويصير مزيج كريمي
بنضيف البيض كل وحدة لحال ،، وبعد كل وحدة بنضيف معلقة فانيليا وبنخفق

بنضيف خليط الطحين حتى نحصل على عجين طري

بنقسم العجين إلى نصفين متساويين وبنغلف كل قسم بالنايلون وبنحطها بالتلاجة حتى تتماسك تقريبا ساعة

بنطول قسم واحد من التلاجة عشان نشتغل فيه
بنرش السطح المراد العمل عليه بشوية طحين وبنفرد العجين بسماكة 1 سم
بنقطع الأشكال المرغوبة وبنرتبها بالصينية مع المباعدة بيناتهم


بس تتعبى أول صينية بنحطها بالتلاجة عبين ما نخلص باقي الكمية ،، تقريبا 15 دقيقة حتى ما تنفش ويخرب شكلها

بنخبزها لمدة 12 - 15 دقيقة حتى تتماسك الأطراف 

بنطلعها وبنخليها تبرد بالصينية ،، بعدين بنشيلها

طبعا الصينية بنحط عليها ورق زبدة ما بندهنها شي

وبنجهز للتزيين

 ~~ Royal Icing ~~ طريقة صنع كريمة الزينة 

بياض 2 بيض
ملعقتين صغار ليمون معصور
سكر ناعم 3 أكواب

بنخفق البياض مع الليمون حتى ينفش بعدين بنضيف السكر وبنخفق على درجة خفيفة
بنضيف الألوان المرغوبة وبنستخدمها على طول


السبت، 15 ديسمبر 2012

يخنة البطاطا


بطاطا 4 حبات كبار مقطعين مكعبات ومقليات
لحمة راس عصفور 
بصلة كبيرة مقطعة شرايح رفيع
مكعبين ماجي
بهارات سادة ،، ملح وفلفل أسود ،، هيل مطحون
ماء ،، زيت قلي
معلقة نشا صغيرة مدوبة بمي مقدار نص كاسة شاي صغيرة
تومة مقطعة شرايح رفيعة


نضع الزيت بالطنجرة وبس يسخن بنضيف البصل وبنشوحه مع إضافة شوية ملح وفلفل
بنضيف اللحمة وبنبهرها بالبهارات المذكروة 
بنخليها حتى تنزل ميتها  وبنضيفلها مي مغلية وبنخليها تغمرها
تقريبا نص الطنجرة وبنخليها عالنار حتى تستوي اللحمة

بنضيف مكعبين الماجي ،، بعد تدويبهم بشوية ماء ساخن تقريبا فنجان شاي صغير
بهالوقت بنقلي البطاطا ،، وبنخليها تتصفى من الزيت
بنضيفها على اللحمة وبنضيف التومة ومعلقة النشا المدوبة وبنخليهم يغلوا سوا شي 10 - 15 دقيقة

بنقدمها مع الأرز وما ننسى عصرة الليمون 

 :) وصحة وهنا 


الخميس، 29 نوفمبر 2012

شوربة الفطر ~~ Mushroom soup


بصلة كبيرة مفرومة ناعمة
فطر طازج مقطع رفيع مقدار 3 أكواب
طحين 5 ملاعق
ملح وفلفل أسود
ماجي 3 مكعبات مدوبين بـ 800 مل ماء ساخن
حليب سائل خالي الدسم 210 مل مخلوط معهم معلقتين زبدة سايحة غير مملحة
زبدة لتشويح البصل 

الطريقة

نقوم بتشويح البصل مع الزبدة حتى يدبل شوي وبنضيفله رشة فلفل أسود
بنضيف الفطر وبنتابع التشويح حتى يدبل الفطر ويطرى
بنضيف الطحين لمرقة الماجي وبنحركهم وبنديرهم على الفطر والبصل
بنخليهم ليغلوا وحتى يتقل المزيج
بنضيف الحليب يللي معه الزبدة وبنحرك وبنرش ملح وفلفل
بنتركها على نار خفيفة بدون ما نغطيها 15 دقيقة

وصحة وهنا



الأحد، 25 نوفمبر 2012

دجاج بصوص الفطر ~ Chicken Mushroom Sauce


صُدور دجاج مخلية من العظام
فطر طازج مقطع أو معلب
طحين معلقة وشوي
بهارات دجاج 
بصلة مفرومة ناعمة
ملح وفلفل
حليب سائل خالي الدسم
فلفل حلو أخضر مقطع رفيع
زبدة


بمقلاية كبيرة بنحط ربع أصبع زبدة وبنخليها تدوب
بنضيف الدجاج وبنبهره بالملح والفلفل والبهارات
بنتابع تشويحة على الجهتين حتى يستوي ويتحمر
بنشيله وبنحط بصحون التقديم
بنفس المقلاية بنحط البصلة وبنشوحها مع إضافة زبدة شوي ورشة بهارات 
بنضيف الفلفل والفطر وبنتركهم ليتدبلوا شوي
آخر شي بنضيف كاسة وشوي حليب والطحين
إذا كان جامد بنزيد حليب بنحركه شوي ليسخن
بنشيلهم عن النار وبنصبهم فوق الدجاج 

وصحة وهنا



الأحد، 18 نوفمبر 2012

Tomatina Pepperoni Pasta


معكرونة الشكل المرغوب
بيبيروني بالفلفل ~~ المستخدم بالوصفة من منتجات نبيل
بصل مفروم ناعم
فليفلة حلوة خضرا
ملح وفلفل أسود ورشة بابريكا
زيت
chopped tomatoes بندورة مقطعة أنا إستخدمت علبة 
معلقتين رُب بندورة


بنشوح البصلة بالزيت مع تبهيرها بالملح والفلفل
بنضيفلها الفلفل الأخضر بعد تقطيعه مربعات صغيرة
بس يتشوحوا بنضيفلهم البيبيروني وبنتركهم يتقلوا مع بعض

بنضيف البندورة ورُب البنورة وبنتابع التحريك
بنخليهم يغلوا ،، ممكن إضافة القليييل من المي

بس يغلوا منيح بنطفي تحتيهم
بنكون بهالوقت سلقنا المعكرونة وصفيناها
بنضيف عليها الصوص وبنخلطها

عند التقديم بنرش عليها جبنة برميزان 

وصحة وهنا